78
САД се подготвуваат да испратат меѓу 100 и 200 војници во Тајван за да ги обучуваат локалните вооружени сили, објави денеска Fox News, цитирајќи неименуван висок извор.
Според извештаите, станува збор за проширување на програмата за обука која во минатото вклучувала Национална гарда, специјални сили и маринци, а според американските власти, пред само една година во Тајван биле стационирани само околу 30 американски војници.
„Немаме коментар за конкретни операции, ангажмани или обука, но би нагласил дека нашата поддршка и безбедносен однос со Тајван остануваат усогласени со моменталната закана од Народна Република Кина“, рече портпаролот на Министерството за одбрана, Марти Минерс.