САД се позависни од увоз од ЕУ, отколку од Кина

Соединетите Американски Држави се повеќе зависни од увоз од Европската Унија отколку од Кина, и во однос на вкупната вредност и во однос на бројот на производи, според студија објавена денес од германскиот економски институт IW.

Минатата година, САД увезоа стока во вредност од 287 милијарди долари од Европската Унија, што е речиси два и пол пати повеќе отколку во 2010 година. Станува збор главно за хемикалии, електрични апарати, машини и опрема.

Во 2024 година, стока во вредност од 247 милијарди долари пристигна во САД од Кина, објави Ројтерс.