29
Американскиот Врховен суд денеска издаде наредба до администрацијата на Доналд Трамп да не презема никакви чекори за депортирање на наводни членови на венецуелски банди кои моментално се во Тексас додека трае судската постапка, пренесоа американските медиуми.
Врховниот суд и нареди на администрацијата на Трамп привремено да ги запре депортациите на венецуелските граѓани обвинети за кршење на Законот за непријателски странци, пишува NBC News.
Судот ниту го одобри ниту го одби предлогот поднесен од адвокатите на затворениците, но фактички ја запре постапката за оние кои моментално се притворени во јурисдикцијата на Северниот округ на Тексас.