По 142 години, привршува изградбата на една од најубавите цркви во светот, познатата „Саграда фамилија„ во Барселона. Нејзиниот архитект Антонио Гауди е мртов речиси еден век, а многумина се сомневаа дека мегаломанскиот проект некогаш ќе биде завршен.
Неодамна, Естеве Кампс, претседателот на организацијата одговорна за завршување на изградбата, објави конкретен датум. Тој најави дека базиликата, која не може да се споредува со ниту една друга во светот, ќе биде изградена до 2026 година. Тогаш ќе биде завршена централната кула посветена на Исус Христос, која ќе биде висока дури 172,5 метри.
„Имаме материјали, имаме дозволи и имаме пари за овие проекти, чија инаугурација во 2026 година ќе се совпадне со стогодишнината од смртта на Гауди“, објави Кампс.
Но тоа не значи дека работите на базиликата нема да продолжат.
Камповите и другите чувари на оставнината на гигантот на модернизмот инсистираат неговите идеи да се спроведат до крај, а тоа вклучува изградба на џиновско столбиште, за која би требало да се урнат два големи станбени блока околу 3.000 станови во непосредна близина.
Кога бил поставен камен-темелникот на базиликата во 1882 година, нејзината локација била среде поле, но како што градот се ширел, тој се споил со него во текот на децениите.
„Точно го следиме планот на Гауди. Ние сме негови наследници и не можеме да се откажеме од неговиот првичен проект. Во планот што им беше претставен на властите во 1915 година и потпишан од Гауди, го има и ова столбиште“, објасни Кампс за скаллата што треба да водат до главниот влез од улицата „Мајорка“.
За ова разговараат со градоначалникот на Барселона, Жауме Колбони, бидејќи локалните власти ќе го имаат последниот збор.
Воодушевувачката структура на „Саграда фамилија“, која е инспирирана од природата, во своуте форми и пропорции, му ја откриваат на посетителот неверојатната иновација на архитектот, кој долго време живеел покрај зградите.
Но, судбината не им била наклонета ниту нему ниту на градбата.
Гауди, без кого Барселона немаше да биде ваков архитектонски скапоцен камен, бил прегазен од трамвајо додека одел на молитва, а неговото ремек дело преживеа многу работи.
На почетокот на Шпанската граѓанска војна, анархистите ја запалија криптата и ја уништија работилницата на архитектот, што им отежна на наследниците на неговата работа да утврдат што имал на ум Гауди. Тие дури и ангажирале воздухопловни компјутерски програми за да помогнат во пронаоѓањето одговори.
По периодот на запуштеност и недостиг од средства, последниот застој во изградбата беше предизвикан од пандемијата. Но, ситуацијата се подобрува и „Саграда фамилија“е секогаш на врвот на најпосетуваните туристички атракции. Минатата година ја посетиле 4,7 милиони туристи, што е за 24,5 отсто повеќе од 2022 година.