Ливерпул и Рома одиграа неверојатен прв натпревар од 1/2-финалето на Лигата на Шампионите, коe „црвените“ го добија со 5:2 на „Енфилд“.
Домаќините водеа со 5:0 и уште еднаш, голема ѕвезда на тимот беше Мохамед Салах. Тој ги постигна првите два гола во судирот и така вкупниот број голови сезонава во сите натпреварувања се зголеми на 43.
Освен тоа египетскиот репрезентативец запиша и две асистенции кон Садио Мане и Роберто Фирмино кој исто така се запиша два пати во голот на „волците“.
Потоа Салах го напушти теренот и Римјаните постигнаа два гола, оставајќи интрига за реваншот. Прво Един Џеко постигна гол, а Диего Пероти беше прецизен од пенал.
Така реваншот по недела во Рим многу наликува на 1/4-финалето, каде Рома ја елиминира Барселона по поразот со 1:4 на „Камп Ноу“ и историскиот успех со 3:0 на „Олимпико“.