Министерот за здравство, Беким Сали информира дека Фонд за здравствено осигурување направил увид во неколку клиники и се чека финалниот извештај околу неправилности во распределба или организирање на плати во однос на дежурство и други ангажмани.
-Дали е тоа пракса и во изминатиот период или само во делот на анализираниот период ќе го видиме со дополнителни анализи. Ги чекаме уште четири извештаи за да бидат комплетирани сите клиники, за да можеме да преземеме мерки за сите. После добиените заклучоци од Фондот, ќе превземе соодветни мерки, дали разрешување или евентуално казнување на директорите, доколку се востанови дека е под нивно влијание, додаде Сали како одговор на новинарско прашање.
Според него, никој од нас не анализира колку часа точно сработил и за колку поени се плаќа во однос на дежурства.