Менаџерот на Ливерпул, Арне Слот ужива во почетокот на кариерата од соништата во англискиот фудбал. Холанѓанецот има исклучителна прва сезона во Премиер лигата и е на пат да ја донесе само втората титула на клубот во последните 30 години.
Тимот е финалист и во Лига купот и го чека осминафиналето во Лигата на шампионите. Поточно поради неговиот настап во првенството, Слот зазема престижна позиција меѓу најубедливите дебитантски тренери во Премиер лигата.
Тој е на второто место на вечната ранг-листа и заостанува само од легендарниот Жозе Мурињо.
Во неделата, Ливерпул го заокружи водството во лигата на 60 поени по победата од 2-1 над Вулверхемптон – а само Мурињо собра повеќе поени по неговите први 25 натпревари во Премиер лигата.
Португалецот освои 64 поени од 25 кола во својата дебитантска сезона на кормилото на Челси во 2004/05 година и на крајот ја подигна својата прва шампионска титула во англискиот фудбал.
Слот, исто така, ги има сите шанси да се бори за трофејот во првата кампања на Островот, бидејќи предноста пред второпласираниот Арсенал е 7 бода, а остануваат уште 13 кола.