Откако неодамна видовме слики на Galaxy A7 (2018) со тројна главна камера, е време и за официјалната премиера на новиот уред. Почнуваме со детали за тројната камера. Смартфонот нуди 24МР главен сензор со бленда f / 1.7, кој е дополнет од 5МР f / 2.2 сензор за мерење на длабочина и создавање на боке ефект, и 8МР f / 2.4 камера со ултра широкоаголна оптика за снимање на повеќе кадри.
Главната камера може да комбинира 4 пиксели во еден за подобрување на резултатите во услови со намалена осветленост, а освен тоа користи интелигентна технологија за категоризиране на објектите и автоматски подесување на боја, контраст и осветленост. Камерата за селфи е 24МР и е дополнета со LED блиц, боке ефект и AR филтри.
Меѓу другите карактеристики откриваме куќиште од метал и стакло, 6-инчен Super AMOLED дисплеј со резолуција 1080х2220 пиксели, 8-јадрен чипсет со фреквенција 2.2GHz, 4GB / 6GB RAM и 64GB / 128GB вградена меморија. Верзијата со 64GB меморија има и слот за microSD картичка кој изгледа недостасува од изданието со повеќе меморија. Смартфонот има батерија со капацитет 3300 mAh и располага со сензор за отпечатоци на десната страна на куќиштето. Новиот Galaxy A7 ќе се нуди од оваа есен во црна, сина, златна и розова на избраните пазари во Европа.