7
По два дена работење, екипите на Јавното комунално претпријатие „Шар“ од Тетово конечно го санирале дефектот што го остави Тетово два дена без вода.
Како што соопшти претпријатието рано попладнево, успешно е саниран дефектот на старата водоводна линија F400, па водоснабдувањето во градот е целосно нормализирано и повторно достигнува капацитет од 400 литри во секунда.
„Им се извинуваме на граѓаните за непријатностите предизвикани за време на прекинот и ви благодариме за трпението и разбирањето што го покажавте во овој период. Посебна благодарност упатуваме до нашите екипи, кои, и покрај високите температури и тешките услови, вложија максимални напори за брзо и ефикасно решавање на проблемот“, се вели во известувањето за граѓаните.