„Со главниот обвинител на Северна Македонија (Јовески) го појаснивме приемот од Македонија на документите за превозникот, патниците“, изјави денеска Борислав Сарафов, директор на Националната истражна служба на Бугарија, кој се наоѓа на местото на несреќата на автопатот Струма.
„Клучната точка е што побрзо да се добие биолошки материјал од нивните роднини за да се идентификуваат сите жртви. Мислам дека овој процес веќе започнува во Северна Македонија. Случајот е од голем приоритет и за нив“, додаде Сарафов.
Увидите се уште траат.
„Причината за експлозијата се истражува. Повторно доаѓаме до водечките верзии дали се работи за човечка грешка или техничка неисправност на автобусот. Имаше и втор возач, но не можеме да кажеме дали преживеал. Мислиме дека двајцата возачи не преживеаја“, додаде Сарафов.
Со секој изминат час сликата станува се појасна, во тек се распити на спасените, додаде Сарафов. Според него, само двајца од хоспитализираните се адекватни, останатите се на интензивна нега. На лице место се сослушуваат сведоците на инцидентот. Нема докази дека во автобусот имало дополнително гориво. Сè уште не е јасно што предизвикала експлозијата, за која зборуваат сведоците, рече тој.
Останатите три автобуси се движеле 15-20 минути пред тој што се запали.
„Сопственикот на транспортната компанија изјавил дека има транспортна компанија 20 години, досега немало никаква несреќа. Но ќе се бара сета документација за сите автобуси на компанијата, во каква состојба се, кога го поминале техничкиот преглед“, објасниле, вели тој, обвинителите од С. Македонија.
Според Борислав Сарафов, автобусот бил релативно нов – стар околу три години.