Неодамна објавените сателитски снимки покажуваат дека Русија брза да изгради бродови што ќе го надминат ракетниот крстосувач Москва, предводник на Црноморската флота што беше уништен од Украина во раните денови на војната.
Украински „Defence Express“ објави сателитски снимки кои го покажуваат напредокот на Русија во изградбата на еден од двата јуришни бродови „Иван Рогов“ од класата „Проект 23900“. Наводно, таквите пловила можат да носат до 90 парчиња воена опрема, вклучително и 15 хеликоптери, пренесува „Newsweek“.
🇺🇦🔱New photographs have appeared (as of mid-March) of the hull of the universal landing ship (UDC) “Ivan Rogov” of Project 23900 , which is being built in Kerch at the Zaliv shipyard .
According to satellite images, the maximum length of the Project 23900 ship’s hull is pic.twitter.com/w19QGhFuPl
— Tracey SBU Fella 🇬🇧🇺🇦 #NAFO (@trajaykay) April 3, 2025
Уништувањето на ракетниот крстосувач „Москва“ беше непријатен удар за рускиот претседател Владимир Путин, а „Иван Рогов“ наводно е многу поголем. Тоа значи дека Русија има намера да го врати својот поморски кредибилитет по серијата загуби што ги претрпе Црноморската флота.
Да потсетиме дека „Москва“ потона откако Украина во 2022 година тврдеше дека го погодила тој брод со проектили и му нанела значителна штета. Русија ги отфрли тие тврдења и зборуваше за пожар на бродот што предизвикал експлозија на муницијата.
Врз основа на сателитски снимки, бродот од класата „Иван Рогов“ би можел да биде долг околу 220 метри и широк 40 метри. За споредба, бродот „Москва“ бил долг 186 метри.
„Defence Express“ ги спореди новите слики со оние од јули минатата година, кои беа објавени од истражувач на „OSINT“ на „X“.
🇷🇺ZALIV SHIPYARD – KERCH🇷🇺
0.3m📷 from 2 July 2024 (fyi, @MrFrantarelli)Looks to be some progress on Pr 23900 Ivan Rogov (newest 🇷🇺Amphibious Assault Ship)
Also appears that Askold (Karakurt Class) is all wrapped up and ready to be transported for repairs elsewhere https://t.co/fiD4ChUow6 pic.twitter.com/uVqvoZn2I9
— MT Anderson (@MT_Anderson) July 8, 2024
– Во тоа време трупот на бродот само што почнуваше да се обликува, што значи дека Русите постигнале значителен напредок во овој проект за помалку од една година, пренесуваат Украинците и додаваат дека „Иван Рогов“ затоа би можел да ја надмине „Москва“ по големина и можности.
„Иван Рогов“ може да прими до 900 маринци и да управува со 75 парчиња борбена опрема, три помали авиони за слетување и 15 хеликоптери, пренесува „Newsweek“.