Англискиот селектор Герет Саутгејт објави поширок список на репрезентативци за Европското првенство. На списокот е 17-годишниот играч за врска на Борусија, Џад Белингем, кој воодушеви оваа сезона.
Саутгејт го додаде и десниот бек на Ливерпул, Трент Александар-Арнолд на списокот за кој се пишуваше со недели. Имено, англиската јавност сметаше дека тој нема да оди на Европско првенство поради неговата послаба форма и силната конкуренција на неговата позиција.
На списокот има 33 фудбалери. Селекторите мора да ги испратат конечните списоци со 26 имиња до УЕФА до 1 јуни.
Голмани: Дин Хендерсон, Сем Џонстон, Џордан Пикфорд, Арон Рамсдејл
Дефанзивци: Трент Александар-Арнолд, Бен Чилвел, Конор Коди, Бен Годфри, Рис Џејмс, Хари Мегваер, Тајрон Мингс, Лук Шоу, Џон Стоунс, Киран Трипиер, Кајл Вокер, Бен Вајт
Играчи за врска: Џад Белингем, Џордан Хендерсон, Џеси Лингард, Мејсон Маунт, Калвин Филипс, Деклан Рајс, Џејмс Вард-Праус
Офанзивни играчи: Доминик Калверт-Луин, Фил Фоден, Џек Грилиш, Мејсон Гринвуд, Хари Кејн, Маркус Рашфорд, Букајо Сака, Џејдон Санчо, Рахим Стерлинг, Оли Воткинс.
Англија и Хрватска ќе ја отворат групата Д на Европското првенство на 13 јуни во 15 часот на Вембли. Во групата се и Чешка и Шкотска.