„Па кој спомена пасоши на Божиновска? За струја и криминални тендери говоревме, за вашите измислени дефокуси. Неверојатно! Од толку „готвења“ ВМРО Ванчовистичка веќе се загуби во сопствените лаги“, велат од СДСМ како реакција на партиското соопштение на ВМРО-ДПМНЕ поврзано со министерката за енергетика, Сања Божиновска.
Од партијата на Венко Филипче прашуваат дали „некој во ВМРО-ДПМНЕ стиснал ли некој погрешно копче“ и сметаат дека „прокувала нивната кујна за лаги“.
„Туку, кога го споменавме пасошот на Божиновска до каде е таа работа со бугарското државајнство“, додаваат од „Бихаќка“.
Партијата на Христијан Мицкоски наведе дека министерката за енергетика не поседува бугарски пасош и потенцира дека тоа е лага од „кујната“ на СДСМ.
„Жално е како СДС се претвори во таблоид партија, каде редовен фолклор се црвени наслови по примерот на нивните белградски ментори. Очигледно нема дно кое СДС не може да го пробие, па само ја срамат некогаш големата партија. Дали Филипче има контрола и гледа што пишуваат, или сам дал дозвола да го носат кон дното не знаеме, ниту не интересира, но факт е дека не му мислат добро“, стои во партиското соопштение на најголемата владејачка партија.
ВМРО-ДПМНЕ повторно тврди дека Божиновска не поседува бугарски пасош