„Фирмата „Дигитал оне“, формирана на крај на август лани, со само двајца работници за една година има добиено тенедери од скоро 9 милиони евра, народни пари. И сите овие тендери се со владини и државни институции во период од мај 2025 до денес ноември 2025. Фирма без историја, без искуство, без портфолио – регистрирана за трговија со информатичка и комуникациска опрема добива речиси 9 милиони евра за само 6 месеци. Или по 1,5 милиони евра месечно“ – ова беше обелоденето од СДСМ на првата од серијалот на прес-конференции поврзани со, како што велат, скандали за криминалот на Владата на премиерот Христија Мицкоски.
Според генсекот на СДСМ, Александар Димитријевиќ, фирмата е основана од извесен Кристијан Арсовски и има само двајца вработени. Тој додаде дека од шест државни тендери, дури четири се со Генералниот секретаријат на Владата на Мицкоски.
-И тоа не било какви тендери туку милионски договори. Последниот договор е рамковна спогодба за софтверски лиценци за виртуелна платформа во вредност од 8 милиони евра. Како е можно за толку кратко време фирма со двајца вработени да добијат речиси 9 милиони евра? Ако ова не е класична шема за испумпување на парите на граѓаните преку фирми блиски до власта тогаш што е?
И секако, едно од прашањата е дали Кристијан е во роднински врски со поранешниот портпарол на ДПМНЕ, Димса Арсовски? Повикуваме Јавното обвинителство, Финансиската полиција и ДКСК веднаш да регираат, да отворат истрага. Овој скандал има и други сомнителни аспекти за кои ќе продолжиме да говориме, кажа Димитријевиќ на прес-конференција.