СДСМ критикува дека скандалите поврзани со работата на градоначалникот од ЗНАМ, Максим Димитриевски никако да добијат институционална разрешница. Од партијата велат дека станува збор за основани сомнежи кои мора до крај да бидат расчистени, сомнежи за судир на интереси, перење пари и коруптивни шеми, злоупотреба на функцијата и институциите во Општина Куманово.
-Мора да се истражи најголемиот коруптивен скандал во општина Куманово со земјиште, во организација на Максим Димитриевски и неговиот кум и бизнис партнер Драган Митевски. Кумот на Димитриевски купува земјиште од семејството на Димитриевски за 248.000 евра а само месец дена подоцна тоа исто земјиште го препродава на ЛИДЛ за 600.000 евра. За ова земјиште се менува и ДУП-от за кој гласа братот на Митевски кој е координатор на советничката група на ЗНАМ, порачуваат од СДСМ и бараат одговор од надлежните институции како Димитриевски и неговиот кум заработиле 350.000 евра.
СДСМ јавно повикува Антикорупциска комисија да отвори предмет за скандалите со Димитриевски, како и Финансиска полиција и Јавното обвинителство да постапат по допрен глас.
-Значи кумот купува, продава, заменува препродава и најважно од се профитира. А сето тоа е индеиректно овозможено од Димитриевски, децидни се од најголемата опозициска партија.