Министерот во заминување Никола Тодоров да престане да манипулира со ранливите категории на граѓани и лековите кои се стари повеќе од една деценија да им ги претставува како нови и револуционерни.
„Лекот „сорафениб“ за карцином на црн дроб е во употреба веќе 10 години, „оксалиплатин“ е 21 година во употреба ,а „бевацизумаб“ е лек со лиценца стара 11 години. Ова е само една од причините зошто Македонија според ЕХЦИ индексот е помеѓу трите најлошо рангирани земји во Европа по стапката на преживување на болните од малигни заболувања. Наместо да се грижеа за здравјето на граѓаните, Тодоров и неговите соработници се грижеа само за провизии и тендери за скапата и неупотребена медицинска опрема“, се вели во партиското соопштение.
Од СДСМ велат дека граѓаните на Македонија имаат право на ефикасен и квалитетен здравствен систем, воден од стручни и одговорни лица и дека затоа итно е потребна нова Влада.