Триесет години во оваа држава студентите немаше кој да ги седне на маса, но времињата кога некој можеше да си погрува со студентите како што сака, поминаа. Поминаа и времињата кога партиски злоупотребуваната полиција тепаше студенти на плоштади, во библиотеки и студентски домови како што тоа беше во времето на ВМРО-ДПМНЕ, сооштија утрово од СДСМ по повод најновата ситуација со студентите.
Претседателот на СДСМ Димитар Ковачевски, самоиницијативно се сретна со сите лидери на студентските движења и заедно низ дијалог најдоа заедничко решение за студентскиот оброк, како и за други прашања во врска со студентскиот стандард, велат од владеачката партија.
=Студентите ќе бидат вклучени во работната група, која ќе работи на креирањето на законско решение, кое ќе биде системско. Претседателот на СДСМ Димитар Ковачевски ги слуша и почитува студентите, за разлика од ВМРО-ДПМНЕ која своевремено ги тепаше и злоупотребуваше студентите за свои партиски цели. Разликата е јасна и очигледна, стои во соопштението од СДСМ.
Студентите добија ветување дека до средината на декември ќе им бидат исплатени средствата за субвенциониран оброк што им доцнат, како и дека ќе продолжи нивната редовна исплата, но за останатите проблеми ќе треба да почекаат до март на новото законско решение со кои би биле опфатени спорните услови.
За утре е најавен студентски марш организиран од движењето „Студентски отпор“.