За прв пат оваа година не е јавно објавено, каде завршија парите од Град Скопје за годинешната програма за финансирање проекти од културата, вредна околу 220.000 евра, соопштува СДСМ, додавајќи дека ова е нетранспарентна постапка.
– Во прилог на ова соопштение е Јавниот повик, во членот VII јасно стои дека Град Скопје, односно Арсовска имаат обврска да ги објават резултатите. Во меѓувреме се случува различни здруженија да реагираат дека само штуро известени дека не добиле средства, без соодветно решение, без можности да реагираат. Додека крати пари на еколошки проекти, додека прекинува проекти важни на скопјани, Данела не објавува каде завршиле парите на граѓаните, стои во соопштението на СДСМ.
Тие ја повикуваат Арсовска да ги објави јавно сите информации кои пред скопјани има должност и обврска да ги објави.
-Што крие Данела Арсовска од граѓаните на Скопје и зошто? Дали доделува средства на сомнителни здруженија блиски до нејзината ВМРО-ДПМНЕ?, прашуваат од СДСМ, додавајќи дека мора да се знае каде завршиле 220.000 евра пари на скопјани, од касата на Град Скопје.