„Медарите од ВМРО-ДПМНЕ предизвикаа колапс во Јавното сообраќајно претпријатие и за првпат главниот град остана без јавен превоз.
За само една година со градските власти на ВМРО-ДПМНЕ, Јавното сообраќајно претпријатие направило долг од еден милион евра“, соопштија утрово до СДСМ.
„Дали меѓу причините за овој милионски долг на ЈСП е анекс договорот за набавка на горива, поскапо за 5,6 денари по литар од редовната цена?
Колапс на ЈСП, огромни долгови, задоцнети плати и прекин на јавниот превоз е резултат на неспособноста на кадрите на ВМРО-ДПМНЕ, Мицкоски и нивната градоначалничка Арсовска.
Наместо со проекти и со проблемите на граѓаните од ВМРО-ДПМНЕ со рацете во медот се занимаваат со тендери и провизии.
Скопјани очекуваат одговори и одговорност за катастрофата што се случува“, додаваат од Бихаќка.