Се бараат исчезнатите во Бејрут, починати најмалку 135 луѓе

Либанските спасувачки екипи продолжија да бараат преживеани меѓу урнатините по ужасната експлозија во Бејрут, во која најмалку 135 лица загинаа, а повеќе од 5.000 беа повредени.

Премиерот Хасан Диаб прогласи тридневна жалост, а првичните резултати од истрагата покажуваат дека небрежноста е виновна за експлозијата во пристаништето во Бејрут, во која десетици луѓе исчезнаа.

300.000 граѓани останаа без покрив над главата, соопштија официјалните лица, пренесуваат агенциите.

Бројот на загинати од експлозијата се очекува да порасне, за која официјалните лица го обвинија високо-експлозивниот материјал, складиран со години во магацин во пристаништето во несигурни услови.