Директорот на Рускиот истражувачки центар за епидемиологија и микробиологија Гамалеја, Александар Гинзбург изјави дека е докажано оти вакцината Спутник V против ковид-19 обезбедува имунитет најмалку девет месеци.
– Моментално, експериментално можеме да гарантираме дека вакцината Спутник V обезбедува имунитет околу девет месеци и малку повеќе од тоа – рече Гинзбург за телевизијата „Русија 24“.
Kazakhstan becomes the 27th country to authorize #SputnikV vaccine.
Қазақстан Sputnik V вакцинасына рұқсат берген 27-ші мемлекет болды. pic.twitter.com/KPJqEJPLvd— Sputnik V (@sputnikvaccine) February 12, 2021
Тој додаде дека тој и голем број други истражувачи од Институтот „Гамалеја“ биле меѓу првите луѓе кои ја примиле Спутник V.
– Нивото на нашите заштитни антитела во моментов одговара на нивото што ни овозможува на сите да донираме плазма за оние кои ја имаат оваа болест – изјави рускиот научник.
Претходно беше објавено дека руската вакцина „Спутник Ве“ (Спутник V) е една од трите вакцини во светот според бројот на одобренија издадени од државните регулатори.