Талибанците ги продолжија своите офанзиви во источните и североисточните делови на земјата, освојувајќи уште двe провинциски престолнини.
Падна Шаран во провинцијата Пакита, од каде владините сили побегнале на самата појава на талибанците.
Окупиран е и главниот град на провинцијата Кунар – Асадабад. Гувернерот и владините сили им се предадоа на талибанците без да испукаат куршум.
Талибанците од рано утро се во офанзива во правец на Кабул. Борбите се водат во градот Мидан Шахр, на само 20 километри југозападно од главниот град на Авганистан. Се очекува градот да падне во наредните часови, по што патот за Кабул ќе биде отворен за талибанците.
Во моментов, талибанците контролираат 20 од 34 провинции.
Американските сили (два баталјона маринци и пешадиски баталјон) се очекува да пристигнат во Кабул вечерта на 15 август, а 600 британски војници ќе им се придружат.
Нивната задача е да обезбедат заминување на нивните државјани.