Актерката Милена Радуловиќ за „Блиц“ изјави дека го очекувала обвинението кое беше покренато денес против Мирослав Мика Алексиќ и ваквата негова содржина.
– Со оглед на бројот на пријави и бројот на девојки кои се јавија, подготвени да сведочат за нивните искуства со Мирослав Алексиќ, подигнувањето на обвинение за мене е целосно очекувано – вели Милена Радуловиќ.
Таа истакнува дека од првиот ден кога излегла во јавноста и кога другите девојки зборувале, била свесна дека ја прават вистинската работа.
– Не размислував за можни последици, закани, притисоци. Не се плашев, бев свесна што правиме, бидејќи ја кажуваме вистината – наведува таа.
Вели и дека Ива Илинчиќ, таа и другите девојки направиле се што можеле, како и дека сега сè е оставено на судот, пренесува „Блиц“.