85
Унгарскиот премиер Виктор Орбан денеска соопшти дека кандидатот на Републиканската партија на претседателските избори во САД, Доналд Трамп е „на пат кон убава победа“, пренесе Ројтерс.
Орбан во пресрет на изборите го поддржа Трамп, наведувајќи дека на почетокот на годината рекол дека до крајот на годината условите во светот ќе бидат поинакви и дека овие промени ќе следат по победата на кандидатот на Републиканците.
Според него, ќе се промени и односот кон миграцијата и родовите прашања.
Со освоени 247 електорски гласови, Трамп моментално води против кандидатката на Демократската партија Камала Харис, која досега има освоено 210 електорски гласови.