Работната група за спроведување на Договорот од Пржино синоќа постигнала напредок за прашањата поврзани со изборите и се договорила повторно да ги продолжи разговорите денес, информира за НОВА, Амбасадата на САД.
Оттаму велат партиите исто така, се договориле прашањето за предложеното инкриминирање на објавување на нелегално стекнати информации да го покренат во работната група, да разгледаат такво можно законско решение во пакет со законско решение за заштита на таканаречените „свиркачи“, и овие прашања да ги решат пред 20 октомври.
– Овие закони отвараат сериозни прашања во врска со слободата на изразувањето, правото на граѓаните на приватност и доброто владеење, при што сите заедно треба да бидат адресирани во склад со меѓународните обврски на Македонија, потенцираат од Амбасадата на САД.