Се огласи Зеленски во врска со падот на авионот на Пригожин

Претседателот на Украина, Володимир Зеленски, изјави дека Украина нема никаква врска со смртта на шефот на групата „Вагнер“, Евгениј Пригожин.

„Ние немаме ништо со тоа, на сите им е јасно кој има врска со тоа“, рече Зеленски.

Официјална Москва се уште молчи за овој настан, а претседателот Путин, кој од синоќа двапати беше во јавноста, никогаш не ја коментираше авионската несреќа. Сите десет тела се пронајдени и пренесени во Бирото за судски и медицински испитувања во Твер, каде ќе им биде извршена обдукција.