Принцот Хари на 15 септември наполни 40 години, а дури сега се дозна дека неговата сопруга Меган Маркл не учествувала на прославата.
Наместо да ја помине вечерта со својата избраничка и нивните две деца, Хари го прослави својот роденден во друштво на пријатели, кои ги одвел на планинарење, пишува Дејли Мејл.
Некои во него гледаат траги на проблеми во бракот, на кои потенцијално укажува фактот дека синот на кралот Чарлс III во изминативе 15 дена, бил виден сам на дури 10 јавни настапи. Меѓу нив се и посетите на Лондон, Лесото и Њујорк, каде што беше на своевидна турнеја.
Наводно, Меган, исто така, ретко се гледа во заедничкиот дом во Монтесито во одредени периоди, а во тој период Хари во неколку наврати бил виден како седи сам во локално кафуле (иако нема конкретни докази кои го потврдуваат тоа).
Таа, исто така, пропуштила хуманитарен настан на кој требало да биде гостин и придружник на принцот Хари, тврдејќи дека е болна.
Меган Маркл е фрустрирана од Хари?
Оние кои во ова гледаат како почеток на крајот на парот, што на малкумина им се допаѓа, укажуваат на постоење на гласини дека Меган е хронично фрустрирана од постојаните патувања на Хари во Лондон на испитувања поврзани со неговата безбедност.
Сепак, извори блиски до војводата и војвотката од Сасекс тврдат дека тоа е далеку од вистината. Тие истакнуваат дека токму Меган го организирала и резервирала излетот на Хари со пријателите.
Дополнително, тие истакнуваат дека двојката поминува низ дискусии за тоа како да ги воспитуваат своите деца, петгодишниот Арчи и тригодишната Лилибет, меѓу кои најмногу несогласувања има околу нивното појавување во јавноста.
Очигледно, Хари сака целосно да ги држи подалеку од очите на јавноста, а Меган би сакала да ги носи на локални настани. Сепак, не се работи за некоја поголема зачестеност на несогласувања од секој пар, подвлекуваат нивните блиски контакти, пренесува Дејли Мејл.