Скот Хол, првиот од сообвинетите со Доналд Трамп во врска со обвинението поднесено против поранешниот американски претседател покренато во државата Џорџија поради наводни обиди да го поништи својот изборен пораз во 2020 година, се предаде денеска во Атланта.
Според затворската евиденција, Хол се уште не е пуштен. Поранешниот републикански набљудувач на гласањето во округот Фултон во Џорџија претходно се согласи со договорот, кој бара од него да се јавува на предистражен надзор на секои 30 дена.
Во обвинението од 98 страници објавено минатата недела, Трамп и уште 18 други лица се обвинети за вкупно 41 кривична точка за обид да го поништат неговиот изборен пораз во државата во 2020 година. Трамп, фаворит во трката за републиканската номинација на претседателските избори во 2024 година, рече дека в четврток ќе се предаде по тоа обвинение. Обвинителите во Џорџија предложија судењето да започне на 4 март, а Трамп е обвинет во уште три одвоени кривични случаи.