Специјалните служби на САД и на Велика Британија се обидуваат да утврдат дали постои врска помеѓу терористичките напади во Франција, Кувајт и Тунис и нападот на исламистите од “Аш Шабаб” против база на Африканската унија во Сомалија, пренесоа агенциите.
Според извор од разузнавачките служби засега нема никакви потврди за врска меѓу четирите напади.
Според претставник на разузнавањето на САД сепак овие напади може да сведочат за тоа дека борците на “Исламска држава” успешно го користат интернетот и други средства за да нанесуваат удари врз противниците, кои се наоѓаат надвор од контролираните од нив територии во Сирија и Ирак.
Изворот потсети дека претходно оваа недела ИД повторно ги повикаа своите приврзаници низ целиот свет да вршат напади за време на светиот за муслиманите месец Рамазан.
Во Тунис според најновите податоци загинаа 37 лица, кога локален студент отвори оган по плажа и хотел во туристичкиот град Сус.
Напаѓачот беше ликвидиран од силите за безбедност. 36 лица се повредени, а некои од нив се во критична состојба, покажуваат официјалните податоци.
Во Франција во градот Сен Канто Фалавие 35-годишниот Јасин Сали, познаник на специјалните служби како радикалиец и како човек со врски со салафитски движења нападна фабрика за индустриски гас.
Прво тој сепак го уби шеф, сопственик на транспортна фирма и го обезглави. Потоа ја стави главата на убиениот маж на оградата на претпријатие, а трупот го остави во близина. Според различни извори крај главата биле закачени исламистички знамиња, а според други извори на самата глава биле испишани арапски пораки.
Потоа според различни извори Сали е со автомобил и шишиња со гас и предизвикал огромна експлозија. Потоа се обидел да отвори неколку гасни шишиња, но пожарникар од фабриката го задржале.
Уапсен е соучесникот на Сали, за кој се претпоставува дека бил возач на возилото, како и негови блиски соработници и неговата сопруга. Се тврди дека за време на нападот Сали носел исламистичко знаме и викал дека е од “Исламска држава”, пренесоа агенциите.
Сали работел како снабдувач во фирма која имала дозвола за пристап до фабриката во кој имало посебен граничен режим. За прв пат во Франција се врши обезглавувањето, што е типично за напади во Сирија, Ирак и на други места, контролирани од исламистите, забележува агенцијата.
Во Кувајт во шиитска џамија терорист од идентификацијата се разнесе за време на ручекот и молитва и уби 25 лица, а рани 202 лица.
Во Сомалија при напад на исламистите од Аш Шабаб против база на Африканската унија, беа убиени десетици воени.