Премиерот на земјата што најбргу влезе во ЕУ и која експресно стана дел од Шенген и евро зоната, Андреј Пленковиќ, проба вчера дел од тоа искуство да го пренесе во Македонија, во смисла – ова што ви го кажувам е реалноста, а не теориите за членството во Европската унија. И, многу се намачи да ја прати таа порака во политичките кругови во земјата и во јавноста, остварувајќи средби со сите што можат да имаат влијание на одлуката.
Главната порака на Пленковиќ беше дека Хрватска е држава пријател, која ни помага масивно и, наспроти други искомплексирани членки на ЕУ, нема намера да калкулира и да нѐ условува. Покрај тоа тој прати уште четири други важни пораки. Првата беше дека сака Хрватите да влезат во Уставот како што Македонците се дел од хрватскиот и ние треба да имаме разбирање, место да ги кочиме уставните промени. Втората порака беше дека Хрватска беше една од земјите, како претседавач во ЕУ, која работеше напорно да се најде решение за преговорите на Македонија и дека е горда на тој успех, по кој пак ние фрламе дрвја и камења и сме неблагодарни за напорите.
Третата порака беше дека не е убаво самите да се блокираме и сите во ЕУ да го забележат тоа, блокирајќи си го наедно пристапот до помошта и фондовите што, од негово искуство, покажале дека ќе ни го забрзаат развојот место банкротот. Четвртата порака на Пленковиќ беше дека Хрватска немаше да го постигне тоа што го постигна, а што не им успева на Бугарија и на Романија иако станаа членки порано, ако сите политички сили не се договорија да ја остават настрана евроинтеграцијата од меѓусебните политички препукувања.
Целата колумна на следниот линк!