Американски воен авион Ф-16 денеска се урна во морето кај западниот брег на Јужна Кореја, а пилотот е безбедно спасен, соопшти единицата на американското воздухопловство стационирана во таа земја.
Според „Ројтерс“, тоа е втора несреќа на авион Ф-16 за нешто повеќе од еден месец во Јужна Кореја. Како што е наведено во военото соопштение, авионот F-16 Fighting Falcon доделен на 8-то борбено крило доживеал „вонредна ситуација за време на летот“ над морето и се урнал.
Пилотот, кој безбедно се катапултирал, бил спасен околу еден час подоцна, бил пренесен во медицинска установа за проценка во свесна состојба.
Градот Гунсан на западниот брег е дом на една од двете главни воздушни бази што ги користи американската војска во Јужна Кореја.
Во декември, уште еден Ф-16 се урна за време на рутински тренинг лет, а пилотот исто така беше спасен.