Се воведуваат ваучери за струја за најранливите категории на граѓани

Министерот за економија, Крешник Бектеши денес изјави дека за првпат се воведува парична помош за најранливите категории на лица со примања, за справување со енергетската криза и поскапувањето на електричната енергија.

-Ќе бидат доделени 60 милиони денари за најранливите категории на граѓани, односно предвидени се ваучери од 600 и 800 денари во зависност од која категорија спаѓаат граѓаните, информира Бектеши на прес-конференција, која се уште е во тек.

Бектеши додаде дека оваа мерка е наменета само за домаќинствата кои имаат ниски примања.

-Оваа мерка е продолжување на мерката на МТСП, со која 36.000 домаќинства и 9000 пензионери добиваат по 1000 денари, рече Бектеши.