Пилот на балонот во кој имало пет лица почина денес откако се вплеткал во опремата што се наоѓа под корпата со балонот, а потоа паднал на земја, објави полицијата во американската сојузна држава Вермонт.
Балонот полетал од аеродромот Пост Милс, за да слета и да ја допре земјата по некое време, а еден патник испаднал од него, но не бил повреден, пренесе АП.
Во тој момент, пилотот на балонот, во обид да му помогне на патникот, се заплеткал во опремата прикачена на корпата, а кога балонот повторно се кренал, тој паднал на земја.
Откако пилотот се повредил, тројцата преостанати патници во балонот чекале да застане, а кога тој се фатил во гранките, успеале да излезат неповредени од него.
A hot air balloon ride ended tragically Thursday in Bradford, Vt., when the pilot became trapped under the basket and then plummeted to his death from the sky. None of the four passengers were injured in the incident https://t.co/yv8HAvbCfb
— The Boston Globe (@BostonGlobe) July 16, 2021
Починатиот пилот имал повеќедецениско искуство
Пилотот кој беше трагично повреден беше идентификуван како Брајан Боланд (72). Луѓето што го познаваа велат дека имал повеќе од 30 години искуство, пренесуваат американските медиуми.