Коалицијата „Европски фронт“ продолжува со обвинувањата околу назначувањето на Иван Стоилковиќ за нов заменик-претседател на Владата и министер кој веќе раководи со ресорот задолжен за односите меѓу заедниците. Според пратеникот и лидер на АА, Зијадин Села, претседателот на Демократската партија на Србите во Македонија „ја одобрува политиката на рускиот претседател Владимир Путин и се потсмеава на трагедијата во Сребреница“.
Села во емисијата „Дејли клик“ истакна дека врските на Столковиќ се тесно поврзани со српската Безбедносно-информативна агенција (БИА) и Путин.
„Владата во своите редови има министер кој отворено изразува поддршка за политиката на Путин, како што е Стоилкоиќ, кој отворено се смее на трагедиите што му се случија на народот, особено случајот со геноцидот во Сребреница, на кој тој се смееше“, навел меѓу другото Села, додавајќи дека „НАТО ќе биде внимателен со Македонија, додека прорусинот Стоилковиќ е дел од Владата“.
Назначувањето токму на Стоилковиќ предизвика размена на критики во опонентските блокови на партиите на Албанците.