Лидерот на едното крило на Алијансата на Албанците, Зијадин Села вчера присуствувал во Приштина на маршот во поддршка на четворицата поранешни водачи на распуштената Ослободителна војска на Косово (ОВК) , Хашим Тачи, Кадри Весели, Реџеп Селими и Јакуп Красниќи, кои се обвинети во Хаг за воени злосторства извршени за време на војната 1998-99 година, и против кои судскиот процес е во завршна фаза.
Од маршот насловен „Правда, а не политика“, Села нагласил дека нема причина за понатамошен став од Специјализираните совети на Косово за воени злосторства во Хаг, составени од меѓународни судии и обвинители и дека треба да се фокусираат на оние што, според него, клеветат и пропагираат.
„Според мене, работата на Специјализираните совети заврши во моментот кога лажните тврдења на Дик Марти се покажаа како неточни. Не гледам причина овој суд повеќе да функционира. Специјализираните совети треба да се справат со оние што клеветат и пропагираат, користејќи слика каква што беше Дик Марти. Србија и нивната лажна пропаганда треба да бидат судени. Ослободителната војска на Косово беше чиста, како и стремежот на овој народ за слобода. ОВК беше во одбрана на слободата и честа на прагот на Албанците“, изјавил вчера Села за „Клан Косова“
Тој заврши посакувајќи им слобода на, како што вели, ослободителите на кои им се суди во Хаг.