Иако Ерлинг Халанд има договор со Манчестер Сити до 2034 година, тоа не ги спречува шпекулациите за неговата иднина. Каталонскиот „Ел Национал“ синоќа објави вистинска трансфер бомба – Барселона планира да се одлучи за норвешката ѕвезда во летото 2026 година.
Халанд е еден од најдобрите напаѓачи во светот со години. По експлозијата во Салцбург, тој продолжи безмилосно да ја тресе мрежата во Борусија Дортмунд, а во последните три сезони беше незапирлив во Премиер лигата во дресот на Манчестер Сити. Досега има одиграно 138 натпревари за „Граѓаните“, постигна дури 120 гола и додаде 20 асистенции, освојувајќи речиси сè што можеше да се освои на клупско ниво.
Иако во последните години најчесто се поврзуваше со Реал Мадрид, „Ел Насионал“ тврди дека Барселона е подготвена да го украде Халанд од својот најголем ривал. Клучот за сè, велат тие, е новиот мега-договор со компанијата „Најк“, кој треба да обезбеди финансиска стабилност на клубот и да овозможи потпишување на фудбалер за кого би се издвоила сума од најмалку 200 милиони евра, што ќе го прави најскапиот играч во историјата на Барселона.
Претседателот Жоан Лапорта и неговите соработници се соочуваат со исклучително тежок предизвик во преговорите, но тие веруваат дека Халанд би можел да стане нивниот нов напаѓач на „Блауграна“ во ерата по Роберт Левандовски. Имено, бројот „9“, кој Полјакот моментално го носи, би можел да биде достапен во летото 2026 година – точно кога Халанд би можел да слета на „Камп Ноу“.
Играчот лично никогаш не ги криел своите симпатии кон Шпанската лига, па дури и претходно изјави дека би сакал еден ден да игра во Ла Лига. Ова би можело да биде клучната предност на Барселона во борбата за еден од најбараните напаѓачи денес.