Освојувачката на 20 Гренд слем титули, Серена Вилијамс се врати на теренот по 14-месечно отсуство со победа. 36-годишната Американка ја победи со 7:5, 6:3 Зарина Дијас на почетокот на турнирот во Индијан Велс со награден фонд од 2.87 милиони долари.
Вилијамс покажа некои несигурности во својата игра, што е особено видливо во вториот сет, но поранешната број 1 во светот успеа да ги надмине и по 93 минути да ја совлада бр.53 на светската листа, Дијас.
Серена направи 34 винери, но исто така и 27 неизнудени грешки во својот прв официјален натпревар по финалето на АО 2016 година.
Во следниот круг, Вилијамс, која е шампион на турнирот во 1999 и 2001 година, ќе се сретне со холанѓанката Кики Бертенс.
За следната рунда на турнирот, се рангира уште една поранешна лидерка на ВТА – белорусинката Викторија Азаренка.
Шампионката од 2012 и 2016 година во Индијан Велс се справи со 6: 4, 6: 2 со Британката Хедер Вотсон.