Поранешната американска тенисерка Серена Вилијамс му посака добредојде на својот колега Роџер Федерер во клубот на тениските пензионери.
Швајцарецот најави дека се пензионира по Лејвер купот, кој е закажан за 23-25 септември во Лондон.
„Го барав вистинскиот начин да го кажам ова. Се збогуваше на совршен начин, каква што беше и твојата кариера. Секогаш се огледував на тебе и ти се восхитував. Нашиот пат беше сличен, речиси идентичен. Ти инспирираше милиони и милиони луѓе и тоа никогаш нема да го заборавиме. Ти аплаудирам и едвај чекам да поддржам се што ќе правиш во иднина. Добредојдовте во клубот за пензионери. И ти благодарам што беше ти“, напиша Серена Вилијамс на Инстаграм.
Американката неодамна ја заврши кариерата со пораз во третото коло на УС Опен од Ајла Томљановиќ (7:5, 6:7, 6:1).
Роџер Федерер Федерер во кариерата освои 103 титули, вклучувајќи 20 Грен слем трофеи.
Серена Вилијамс има 23 Грен слем титули и вкупно 73 трофеи.