Сеул: Во испораките на оружје од Северна Кореја за Русија можеби и балистички ракети

Неодамнешните испораки на оружје од Северна Кореја за Русија, која води војна во Украина, можеби вклучувале и балистички ракети и преносливи противвоздушни ракети со краток дострел, покрај артилериска муниција, соопшти денеска војската на Јужна Кореја.

Проценката уследила еден ден откако Националната разузнавачка служба на Јужна Кореја ја информираше парламентарната комисија дека Пјонгјанг испратил повеќе од милион артилериски куршуми и друго оружје во околу 10 пратки во Русија од почетокот на август.

Воен претставник изјави дека околу 2.000 контејнери со муниција биле испорачани од пристаништето Расон во североисточна Северна Кореја во Владивосток, на рускиот Далечен Исток, пишува „Кјодо“.