189
Првиот човек во ресорот образование, Јетон Шаќири денеска информираше дека повеќе од 90 отсто од учебниците се доставени за прво, второ, четврто и петто одделение.
-За другата учебна година за трето одделение, заради временскиот рок се ќе биде навремено на 1 септември, како што беше за другите предмети кои веќе имаат одобрени одделенија. Со завршување на трето и шесто по новата Концепција, мислам дека ќе ги имаме сите учебници во септември зашто немаме оправдување за временските рокови кои се законски, додаде Шаќири на прес-конференција.
Тој потенцира дека децата учат според нови наставни програми согласно со Концепцијата за основно образование од 2020 година.