Денис Шаповалов и Рафаел Надал водеа голема битка во четвртфиналето на Австралија Опен, а на теренот блескаа искри и вербални пресметки.
Шпанецот победи со 3:2 во сетови, а во четвртиот во еден момент успеа да го разбесни својот ривал кој влезе во расправија со судијата.
Надал е познат како играч кој знае да одолговлекува при сервисот, што го изнервира Шаповалов.
Тој му пријде на судијата и му рече дека е подготвен за сервис и да му каже на Надал да побрза.
„Колку треба да се прилагоди, види, види колку време му треба, јас бев спремен за сервис“, се изнервира Шаповалов.
Карлос Бернардес се налути и започна расправија со канадскиот тенисер, што дополнително го испровоцира, па му рече на Бернардес дека „сите судии се корумпирани“.
На крајот, Надал се приближи до мрежата и побара од Шаповалов да му објасни што е проблемот.
Слична ситуација се случи и на мечот меѓу Надал и Кирјос пред три години, кога контроверзниот Австралиец се скара со судија.
🗣️ "You guys are all corrupt!"
Denis Shapovalov has unloaded on the chair umpire in a stunning outburst on Rod Laver arena. 😳🤯#AusOpen – Live on Channel 9 and 9Now pic.twitter.com/BUdTxut1Fc
— Wide World of Sports (@wwos) January 25, 2022