108
Сопствениците на Манчестер Сити му одредиле рок на Пеп Гвардиола во кој Шпанецот мора да ја соопшти својата дефинитивна одлука дали ќе го напушти клубот или ќе остане на стадионот „Етихад“. Според Sky Sports, ова би требало да се случи пред Божиќ.
Шпанецот влезе во последната година од договорот со клубот и на крајот од минатата сезона Гвардиола (53) призна дека е поблиску до заминување отколку до тоа да остане.
Секако, клубот е подготвен да му понуди нов договор на стручњакот, но доколку тоа не се случи, раководството сака да има доволно време да го најде неговиот најсоодветен наследник.
Последните недели во Англија се поупорно се лансира тезата дека Гвардиола би можел да стане следниот постојан тренер на „трите лава“.