Заменик-генералниот секретар на НАТО, Радмила Шекеринска, по посетата на Косово, истакнала дека НАТО повеќе од 30 години ги поддржува мирот и стабилноста во регионот.
Таа на социјалната мрежа „Х“ посочила дека посветеноста на НАТО за безбедноста на Западен Балкан останува непоколеблива и дека тоа ќе донесе поголема безбедност во целата евроатлантска област.
„Ми беше задоволство да се сретнам со персоналот на нашата мисија КФОР. НАТО ги поддржува мирот и стабилноста во регионот веќе 30 години. И нашата посветеност останува силна. Безбеден регион на Западен Балкан значи поголема безбедност во целата евроатлантска област“, напиша Шекеринска.
A pleasure to meet personnel of our @NATO_KFOR mission. #NATO has supported peace and stability in the region for 30 years. And our commitment remains strong. A secure Western Balkans region means more security across the whole Euro-Atlantic area. pic.twitter.com/RHkLNkDiHv
— Radmila Shekerinska (@DepSecGenNATO) March 11, 2025
Генералниот секретар на НАТО, Марк Руте во изјава за „РТК“ порачал дека Алијансата е посветена на Косово и дека неговата посета најдобро го докажува тоа. Додал дека би било добро дијалогот да продолжи, Косово да се воздржи од еднострани дејствија, а Србија да понуди одговорност за она што се случи во 2023 година.
„Неодамна го зголемивме присуството на војниците на КФОР на Косово, четирикратно го зголемивме присуството на нашите војници на север, тројно го зголемивме физичкото присуство на КФОР на север. Ова е доказ дека КФОР сака да биде претставник на стабилноста, не само во Косово, туку и во регионот“, вели Руте.
Во врска со ситуацијата на северот на земјата на прашањето дали за случајот Бањска се разговарало за време на разговорите со косовските претставници и што мисли за тоа, Руте одговори дека некои од тие прашања се покренати.