Шекеринска ја прими втората доза од вакцината против коронавирус

Министерката за одбрана, Радмила Шекеринска објави на социјалните мрежи дека се ревакцинирала во масовниот пункт за вакцинација во арената „Борис Трајковски“.

„Со секоја вакцинација му затвораме на вирусот уште една врата во лавиринтот на пандемијата. Денес ја примив и втората доза. Вакцинирајте се!“, апелира Шекеринска.

Таа беше имунизирана од медицинскиот техничар, Денис Јанкуловски – Космонаутко.

Покрај неа, утрово втората доза од вакцината Синофарм ја прими и министерот за надворешни работи, Оливер Спасовски.