На 31 декември минатата година кинеските медиуми за прв пат ја објавија веста за појава на вирусна пневмонија во градот Вухан. Шест месеци подоцна, коронавирусот го смени светот.
Ќе ве потсетиме на тоа како смртоносниот вирус се прошири низ целиот свет и доведе до смрт над повеќе од половина милион низ целиот свет, додека повеќе од 10 милиони луѓе се разболеа.
Јануари – Вирусот се шири преку Вухан
Иако светските власти и СЗО тврдеа дека имаат потенцијал да ја стават епидемијата под контрола, теренските извештаи покажаа поинаку. Болеста се влоши и вирусот почна да се шири преку епицентарот. Првите жртви дојдоа, пренесува BBC.
Потврдено е пренесување од човек на човек, а на 21 јануари беа потврдени четири случаи надвор од Кина.
Вухан и околните градови беа ставени под блокада на 23 јануари, а до 27 јануари се зборуваше дека епидемијата може да стане глобална.
На 30 јануари СЗО прогласи вонредна состојба на глобално ниво заради коронавирусот.
Февруари – Вирусот инфицира земји надвор од Кина
Првата смрт од коронавирус надвор од Кина беше пријавена на 2 февруари на Филипините, а на 10 февруари бројот на смртни случаи во Кина се искачи на 1.000.
Следниот ден СЗО го објави името на новата болест: Ковид-19.
Првата смрт надвор од Азија беше пријавена на 14 февруари во Франција.
На 26 февруари американскиот претседател Доналд Трамп рече дека „ризикот за американскиот народ е многу мал“, а потоа на 29 февруари Америка ја објави првата смрт од вирусот.
Март – Европа станува епицентарот на пандемијата
Беше прогласено повисоко ниво на предупредување во Европа, а на 14 март Франција и Шпанија воведоа блокада на ниво на целата земја.
Бразил ја пријави првата смрт од Ковид-19 на 16 март, а претседателот Жаир Болсонаро рече дека станува збор за сериозно прашање, но дека тие не треба да се паѓа во хистерија.
За прв пат од почетокот на епидемијата на 18 март, во Кина немаше домашни случаи на корона.
СЗО на 23 март објави дека пандемијата се забрзува, а два дена подоцна Олимписките игри во Јапонија беа откажани.
Април – Стапката на смртност се зголемува низ целиот свет
Шпанија и Соединетите држави достигнаа 10.000 смртни случаи меѓу 2 и 6 април. Велика Британија и Франција достигнаа ист број на жртви помеѓу 7 и 11 април, а Бразил забележа 1.000 смртни случаи.
Поставен е уште еден тажен рекорд: повеќе од 100.000 луѓе во светот починаа од вирусот.
Мај и јуни – Латинска Америка станува жериште на епидемијата
Помеѓу 8 и 9 мај, Италија забележа 30.000 смртни случаи, а Бразил достигна 10.000.
Бројот на загинати во светот достигна 400.000. Повеќе од 40.000 луѓе починале во Велика Британија до 5 јуни.
Помеѓу 21 и 22 јуни, Бразил го преминал бројот на 50.000 смртни случаи, а САД 120.000.
– Пандемијата сè уште забрзува. Беа потребни повеќе од три месеци за да се забележат првите милион случаи. Последните милион случаи беа пријавени за само осум дена – рече Тедрос Гебрејесус, директорот на СЗО, на 22 јуни.
Тој додаде дека последиците ќе се чувствуваат со децении.