Светски рекет број еден, Новак Ѓоковиќ, го освои Мастерсот во Рим откако во два сета попладнево го совлада Гркот Стефанос Циципас со 6-0, 7-6 .
Ѓоковиќ го одигра првиот сет против Циципас во форма на најдобрите денови. Тој го збриша грчкиот тенисер со резултат 6:0, а во вториот сет славеше по пресвртот. Циципас имаше водство од 5:2 во раце, но потоа Ѓоковиќ му го одзеде сервисот кога сервираше за израмнување во сетови.
Ова е рекордна 38. титула за српскиот тенисер на турнирите Мастерс 1000. Тој претходно го држеше рекордот со 37, а Рафаел Надал сега има два помалку од него. Тоа е негова шеста титула во Рим.
DJOKO, SET E PARTITA 🏆🇮🇹
The moment @DjokerNole claimed a sixth title in Rome!#IBI22 pic.twitter.com/bbp4SDOmfM
— Tennis TV (@TennisTV) May 15, 2022