Андреј Шевченко, фудбалската легенда на Украина и поранешен селектор на репрезентацијата на оваа земја, се огласи по прашањето за предвоената ситуација.
Според странските медиуми, Украина и Русија се на работ на војна, додека руската страна ги позиционира своите војници долж украинската граница.
„Украина отсекогаш била мојата татковина. Отсекогаш сум бил горд на мојот народ и земја. Поминавме низ многу тешки времиња и се формиравме како нација повеќе од 30 години“, напиша Шевченко.
„Нација на чесни, вредни и слободољубиви луѓе. Ова е нашата најважна предност. Сега е тешко време за сите нас, но мора да бидеме обединети. Во единство, победуваме! Слава на Украина“, додаде поранешниот фудбалски ас на Челзи и Милан.
Потсетуваме, Шевченко не е на кормилото на својата репрезентација од минатата година каде помина пет години.
Україна – моя Батьківщина! Я завжди пишався своїм народом і своєю країною! Ми пережили багато непростих періодів, і за минулі 30 років сформувалися як нація! Нація щирих, працелюбних і волелюбних громадян!Це найголовніше наше надбання! …https://t.co/sQxCFpwHIz pic.twitter.com/6LNW6Cw9oR
— Andriy Shevchenko (@jksheva7) February 23, 2022
Тој ја презеде Џенова на почетокот на сезоната, но таму не се задржа долго, бидејќи доби отказ.