Анџелина Џоли (41) доби привремено старателство над нивните шест деца. Но, Пакс (12) и Шило (10) сакаат да живеат со нивниот татко Бред Пит (52) во Лос Анџелес и ја молат Анџелина да им го дозволи тоа.
Актерката и нејзините деца, сега живеат во изнајмена вила во Малибу, иако поранешните сопружници во оваа област имаат два големи имоти.
“Таа откажа работа и се друго. Таа секој ден е дома, ги поддржува, им помага со домашните задачи, постојано е со нив” пренесува нејзин близок пријател.
Нивниот син Медокс (15) не сака да живее со неговиот татко, по инцидентот во авионот кога Пит наводно бил насилен кон него. Американските медиуми објавија дека тогаш Медокс, му рекол на Бред дека тој повеќе не му е татко.
“Пакс и Шило отсекогаш биле многу блиски и тие двајца се согласуваат подобро со Бред” додава изворот, за списанието “ОК!”.
Бред, Анџелина и нивните деца посетуваат семеен терапевт, но Медокс се уште не бил присутен на некоја од сеансите на кои присуствувал и Пит.