По нашата одлука за продолжување на санкциите против Куба преку гласањето на Генералното собрание во Обединетите нации, координаторот на секторот Надворешна политика во Левица, Емир Шкријељ вели дека е еден преседан и срамен чин на Министерството за надворешни работи кој, како што истакнува, му штети на нашето реноме и моментална позиција во меѓународните односи.
-Да напоменам дека на македонската јавност сè уште не ѝ е познато кој ја претставува Република Македонија во Обединетите нации, после заминувањето на Љубомир Фрчкоски од оваа позиција пред една година и шест месеци. Ние неколку пати, директно или посредно, се обидовме да дојдеме до оваа информација па ќе ја искористиме приликава да го повикаме МНР конечно да обелодени кој е нашиот амбасадор во ОН и да објасни зошто оваа информација се сокрива толку долго време, бара соговорникот во изјавата за „Локално“.