Во саботата, на 24 април, претседателот на Бундестагот Волфган Шојбле контроверзно изјави во интервју за „Тагесшпигел“ дека не е добро да се „потчинат сите грижи за заштеда на животи“, бидејќи германскиот устав „не ја исклучува можноста дека мора да умреме“.
Во изјавата се наведува дека многу земји размислуваат за излезни стратегии од седмици ограничувања заради пандемијата на коронавирусот, а Шојбле, од Демохристијанската унија (ЦДУ), се грижи дека државните капацитети ќе бидат преоптоварени со балансирање на јавното здравство и економските и социјалните последици поради долгата стагнација. Затоа, неговото мислење е дека сè не треба да се потчини само на заштитата на човечкиот живот.
„Одлуките не смееме да ги оставаме на самите виролози, туку мора да ги мериме огромните економски, социјални, психолошки и други импликации. Едноставно исклучување на сè за две години би имало сериозни последици“, рече претседателот во интервјуто.
Германската влада ги олесни мерките претходно оваа недела, но социјалната дистанца сепак ќе треба да се почитува. Засега, на сите продавници им е дозволено да работат под услови да одржуваат хигиена и простор за клиентите, а на училиштата им се советува да се отворат од 4 мај. Канцеларката Ангела Меркел го нарече овој излез „кревок привремен успех“. Бидејќи многу виролози продолжуваат да се плашат од вториот бран на пандемијата и се залагаат за продолжување на грубите мерки за изолација.
За претседателот на Бундестагот, проширувањето на ограничувањата само ќе ги наруши човековите основни права. Шојбле одговори дека државата мора да обезбеди најдобра здравствена заштита за сите, но луѓето „мора да прифатат дека и понатаму ќе умираат од коронавирусот“.
„Со целиот претходен товар (Шојбле преживеа атентат по што му беше парализиран долниот дел од телото) и на моја возраст, јас сум во група со висок ризик. Но, мојот страв е ограничен. Сите умираме. И мислам дека помладите луѓе се изложени на поголем ризик отколку што сум ја. Мојот природен крај е поблизу“, рече тој.
Во своето интервју, Претседателот на Бундестагот се согласува со мислењето на министерот за здравство Јенс Шпан (ЦДУ), кој рече: „Сите ние треба да учиме едни од други и за неколку недели ќе откриеме дека можевме да сториме нешто подобро“.
Пандемијата од коронавирус ќе ги промени фундаменталните односи меѓу државата и економијата, рече Шојбле. Овој поранешен министер за финансии смета дека владините помагала, но и потпирањето на конвенционалните средства за да се намали влијанието на коронавирусот врз економијата, нема да биде доволно. „Ќе доживееме структурни промени во економијата, општеството и политиката“, рече тој.
„Има смисла … во моментот на чувство дека можеме да го решиме секој проблем со неограничени државни ресурси и ќе ја рестартираме економијата повторно со пакет стимули. Државата не може да ги замени приходите на долг рок“, наведува тој.
Претходно овој месец германскиот парламент го одобри пакетот помош од 750 милијарди евра за заштита на економијата, откако владата нареди да се затворат многу несуштински компании за да се запре ширењето на вирусот. Пакетот за спасување им овозможува на различни компании, како и на фриленсери, комбинација на заеми и директни плаќања.
Шојбле рече за „Тагесшпигел“ дека е за поддршка на економскиот пресврт за решавање на растечкиот јаз во платите во Германија и решавање на проблемот со животната средина. „Ние треба да бидеме во состојба да зборуваме за посилни избалансирани механизми“, рече тој.